القران الكريم مدونة كدة رضا
ميزو وسمسمة وأمها كمان
مــيزو:بحبك ياسمسمة (يابااااااااااااااى)
سمسمة:وانا كمان (داهية تاخدك)
مــيزو:من اخر مرة وانا بفكر فيكى(يارب تغورى من وشى)
سمسمة:وانا كمان ياحبيبى مبطلتش تفكير فيك (الهى اصبح الصبح الاقيك متنيل بعيد عنى)
مــيزو : امال فين حماتى مش شايفها (الحرباية الكبيرة)
سمسمة: موجودة اندهالك (علشان تسمم بدنك )
مــيزو: اه طبعا يا حببتى وانا اقدر استغنى (يارب تتكعبل فى السجادة وهيا جاية)
سمسمة:ماما تعالى كلمى (على الله تقولك حاجة ترفع الضغط)
مــيزو:اهلا ياحماتى ازيك (الهى ما تكونى بخير)
أم سمسمة: اهلا ياخطيب بنتى (بلا نيلة)
مــيزو: عندى ليكو خبر كويس انا لقيت شقة (الهى ما توعو انتى وبنتك تشوفوها)
أم سمسمة: الف مبروك ياحبيبى (ياما جاب الغراب لامه)
مــيزو: حنروح نشوفها بكرة ايه رأيك ياحببتى(على الله تتشقلطى على السلم وانتى طالعة)
سمسمة: وماله طبعا لازم نشوفها (اكيد أد الحوق وفى منطقة معفنة)
مــيزو: على فكرة ياحماتى (جتك حمة)
أم سمسمة: ايه ياخطيب بنتى (خطيب الشوم والندامة)
مــيزو: انا كنت عاوز اقابل عمى عشان كتب الكتاب( قال عمى قال دانتي اللى عمى)
أم سمسمة :وماله يابنى بس مش لسة بدرى(جتك نيلة مستعجل على ايه)
مــيزو: ما خلاص ياحماتى احنا قربنا (ياريت ترفض عشان افركش ام الجوازة دى)
أم سمسمة:طيب يابنى لما يجى عمك حاقوله(جتك نيلة عشان نستريح من زيارتك الغلسة)
مــيزو: طب ياحماتى انا حامشى دلوقتى (افففففففففففف انا اتخنقت من الولية دى)
أم سمسمة: ماهو لسة بدرى (فى ستين داهية)
مــيزو: باى ياحبيبتي (حبك برص)
سمسمة: مع السلامة ياحبيبى(البلد اللى تودى)
مــيزو : كلمينى فى التليفون(يارب التليفون يولع)
سمسمة: اكيد ياحبيبى (غور بقى)
مش كلهم على فكرة تقبلو تحياتى فارس الرومانسية
الاشتراك في:
الرسائل (Atom)